حديث الذكريات

******



ليه الأشياء الحزينه ..



تصحى ويانا.. وتبات ..؟



ليه الأشياء القديمه ..



موجعه حيل .. وأليمه ..؟



رغم هذا .. تبقى دايم ..



داخل القلب .. ومقيمه ..!



******



في حديث الذكريات



لما نسترجع زمنا ..



إللي عدى .. وإللي فات ..



أول .. أول شيء يذكر ..



الجروح ..



إللي تبقى .. ماتروح ..



الخيانه ..



والغياب ..



والرحيل بلا إياب ..



الفراق ..



وطول ليله..



لما يذبحك العذاب ..!


******




في حديث الذكريات ..



أقسى .. أقسى شيء دايم ..



الحزن ..



لــ سكن داخل ضلوعك ..



ولــ بنى بقلبك مدينه..



و انطفت آخر شموعك ..



من مدامعك الحزينه ..


******




في حديث الذكريات ..



نكتشف بعد الفوات ..



إن مابه شي أعذب ..



من مواصيل الحبايب ..



إللي كانوا في يوم أقرب ..



حيل من كل القرايب ..



إللي كانوا يوم أصدق ..



من هماليل السحايب ..


******




ياإلهي ..



لما نسرح ..



ياترى وش صار فيهم ..؟



وين وداهم زمنهم ..؟



إللي كنا فيوم منهم ..!



بعدها الفرقى ياربي ..



ضاقت الدنيا عليهم ..؟



وعلى ذكرانا بعدهم ..؟



ولا نسيونا وراحت ..



أحلى وأغلى الأمنيات ..؟!



في زمنا إللي فقدنا ..



إللي عدى ..وإللي فات ..



في حديث الذكريات ..!