خااطره....وابيات شعريه

يامتعب القلب قلي وش غلطاتي ان كنت أناأقدراعدلهــابعدلهــا

لصرت تجهل عناء الدنياوضيقاتي من دون ماشرح لك اوضاعي تأملهــا

الوقت ضدي حرمني من ملذاتي والصدبعدك ذبح روحي وكملهــا

لا لا يغرك كثيرالصمت وسكاتي خل المشاعرتقول الآه وإسألهــا

يسكني الحب واضح من عباراتي وش عاد لجلك حروفي لوأذللهــا

عذبني الشوق واسرفت بخيالاتي روح تحبك دخيلك ليه تهملهــا

ياليتك أشوي تشعرفي معاناتي دنياك يمكن عليك تضيق بأكملهــا

الحزن كنه سفيري في علاقاتي والهم خيم على حالي وطولهــا

أغديت دربي وتاهت فيك خطواتي كل المواعيد مدري ليش تجهلهــا

سنين أحاول وضاعت كل حيلاتي ماتدري اني حياة الذل مقبلهــا

لجيتك أسأل وأدورفيك ضحكاتي كنك تعمد بيديك اليوم تقتلهــا

لا تترك الظن يلعب بإحتمالاتي الكلمه اللي تحز بخاطرك قلهــا

تعال شفني وحس بحال لوعاتي كن الدقايق بدونك عام مطولهــا

متى التباشير بقدوم الغلا تأتي فرحة زماني بشوفتك ماتخيلهــا

خلاص صبري تعدى كل هقواتي أتعبت نفسي أعزيهاوعللهــا

ابيك تنسى وتمسح كل زلاتي
بعض البشر صعب مانقدر نزعلهــا

والحين جيتك أبمسح كل غلطاتي دنياي بدونك وربي ماتحملهــا